नालायक छ सय एकले अरु काम केही नगरे पनि आफ्नो आयु बढाउने र भत्ता पचाउने काम भने आधारातसम्म कसरत गरेर पनि फत्ते गरेर छाडे। संविधान पनि नबनेको र नयाँ चुनाव पनि नभएको यस अबस्थामा हाम्रा नेताहरुलाई अझ नजिकबाट चिन्न र हाम्रा सबै नेताहरुको विवरण अद्यावधिक गर्न अति आवश्यक देखिएकोले सो प्रयोजनको निमित्त हालै एउटा नयाँ वैयक्तिक विवरणपत्र तयार गरिएको छ । आ-आफ्ना क्षेत्रका विजयी नेताहरुलाई यो विवरणपत्र भर्न लगाई सहयोग गरिदिनुहुन हार्दिक अनुरोध गरिन्छ :
नेपाली नेताको वैयक्तिक विवरणपत्र
१) नाम:
क) नागरिकताको नाम: ख) पार्टिभित्रको नाम: ग) असली नाम:
२) उमेर:
क) प्रमाणपत्रमा रहेको उमेर: ख) अरुलाई बताउने उमेर: ग) साँच्चीकै उमेर:
(महानुभावहरुको व्यस्तता र समयाभावलाई दृष्टिगत गर्दै यसभन्दा तलका सूचाङ्कहरुमा केवल एउटा सही उत्तरमा “√” (ठीक) चिन्ह लगाए हुने व्यबस्था गरिएको छ।)
३) लिङ्ग: क) उभय लिङ्गी ख) नपुंसक लिङ्गी ग) तेस्रो लिङ्गी
