भारतलाई अमेरिकाले समात्यो रङेहात - भाग २

विश्वकै धनी व्यक्तिमध्येका एक भारतीय धनाड्य गौतम अदानी  विरुद्ध अमेरिकामा  घुस आरोपमा मुद्दा दायर भएको छ । अडानी र उनका भतिजा सागर अदानी  सहित सात जना विरुद्ध सौर्य ऊर्जा प्लान्ट परियोजनाको ठेक्का हात पार्न २५ करोड अमेरिकी डलर घुस दिएको र यो कुरा लुकाउन खोजेको आरोपमा मुद्दा दायर भएको हो  ।

न्यूयोर्कको पूर्वी जिल्लास्थित अमेरिकी महान्यायाधिवक्ताको कार्यालयले भनेको छ, “गौतम अदानी , सागर आर अडानी र विनीत एस जैनलाई झूटा र भ्रामक बयानका आधारमा अमेरिकी लगानीकर्ता र विश्वव्यापी वित्तीय संस्थाहरूबाट रकम प्राप्त गर्न अर्बौं डलरको योजनामा उनीहरूको भूमिकाको लागि प्रतिभूति र तार जालसाजी र ठोस प्रतिभूति जालसाजी गर्ने षडयन्त्रको आरोप लगाउँदै संघीय अदालतमा अभियोग दर्ता गरिएको छ ।

 यो परियोजनाका लागि अदानी  र उनको कम्पनी ग्रीन इनर्जीका पूर्व सीईओले अमेरिकी लगानीकर्ताबाट तीन अर्ब डलर उठाएको आरोप समेत लगाइएको छ ।  उनि भारतीय प्रधानमन्त्री नरेन्द्र मोदी निकट मनिन्छ ।

एस अघि  भारतका नागरिक निखिल गुप्ताले भारतकै गुप्तचरसँग मिलेर गुरपतवंत सिंह पन्नूलाई मार्नको लागी १ लाख डलर तय गरेका भनेर निखिल गुप्तालाई पक्रेर जेलमा राखेको छ।  

अदानी  ग्रुपले भने अमेरिकी न्याय मन्त्रालय र अमेरिकी सेक्युरिटीज एन्ड एक्सचेन्ज कमिसनले अडानी ग्रीनका निर्देशकहरूविरुद्ध लगाएको घूसखोरीको आरोपलाई आधारहीन भन्दै खण्डन गरेको छ ।

तर अदानीलाई भने आफ्नो विश्वव्यापी ऊर्जा र पूर्वाधार साम्राज्य विस्तार गर्ने तीव्र प्रयासलाई अमेरिकी घूसखोरीको आरोपले धक्का दिएको छ । ४ दिनमै  अदानी समूहका कम्पनीहरूको मार्केट क्याप करिब ३ लाख करोड रुपैयाँले घटेको छ । केही राष्ट्रहरू र लगानीकर्ताहरूले या त अदानी समूहमा सम्झौताहरू रद्द गरेका छन् वा लगानी रोकेका छन्  ।

फ्रान्सेली तेल कम्पनी Total Energies (TTEF.PA) ले गौतम अदानी विरुद्ध अमेरिकी घुसखोरीको आरोपबारे जानकारी नभएको भन्दै अडानी समूहमा थप लगानी नगर्ने भनेको  छ । यूएस इन्टरनेशनल डेभलपमेन्ट फाइनान्स कर्पोरेशनले आंशिक रूपमा अदानी समूहको स्वामित्वमा रहेको श्रीलंकामा बन्दरगाह विकास परियोजनाका लागि $ 550 मिलियन ऋण दिने एजेन्सीको योजनामा ​​गौतम अडानी विरुद्धको अभियोगको प्रभावको समीक्षा गरिरहेको छ।

केन्याले आफ्नो मुख्य एयरपोर्टको नियन्त्रण अदानी समूहलाई दिने अपेक्षा गरिएको २ अर्ब डलरभन्दा बढीको खरिद प्रक्रिया रद्द गरेको छ।  

बंगलादेशले पूर्व प्रधानमन्त्री शेख हसिनाको कार्यकालमा भएको विद्युत उत्पादन सम्झौताको छानबिन गर्न एउटा समिति गठन गरेको छ, जसमध्ये अदानी पावर (ADAN.NS)  एक हो।

भारतको दक्षिणी राज्य आन्ध्र प्रदेश राज्यले अदानी समूहसँग जोडिएको बिजुली आपूर्ति सम्झौता रद्द गर्ने सम्भावनालाई तौलिरहेको छ।