भन्नलाई भन्छन, नभ्याएकोले लेखेनन् ।
बोल्दा त बोल्छन, नपाएकोले लेखेनन् ।
दुई वर्षमा नसक्कीने के नै पहाड थ्यो र,
यि हुत्तिहाराले, न-आएकोले लेखेनन् ।
चुनावमा बोल्या कुरा भुलेर लेखेनन् ।
लेख्ने बेलाँ' देश विदेश डुलेर लेखेनन् ।
कहीले महामहिको उर्दिमा त,
कहीले साईँलीको भट्टीमा झुलेर लेखेनन् ।
रोकी राख्दा खान पाउने आशले लेखेनन् ।
लेखिसक्के भत्ता गुम्ने त्रासले लेखेनन् ।
न जनताको इच्छा, न शहिदको सपना,
कर्तव्य भुलेर यि वदमाशले लेखेनन् ।
