सबभन्दा ठूलो मन

गुरु केदार वराल

आकाशको तुलना गर्न सकिन्न
त्यो भन्दा ठूलो छ मन
प्रकाशको पछि लागेर उछिन्ने केही छैन
छ भने मानिसको मन ।
सुपर सोनिक जहाज बने
त्यो भन्दा छिटो उड्छ मन
चन्द्रमामा मानिस पुग्नु अघि
मंगलमा पुगिसकेथ्यो मन ।
मनलाई मनले टक्कर दिन्छ
दुई मध्ये एक हार्छ मन
मनलाई नै अधिनमा राख्न नसक्नेको

कति अपवित्र होला मन ।
मनले बाँच्छ बाचा-कशम
मनले नै सदाको लागि तोड्दछ
प्रेम गर्न आतुर हुने मन नै हो
वितेका यथार्थ नहेरि भाग्दछ ।
मनले नै सद्गुणी वचन बोल्छ
आमाचकारी गाली गर्ने पनि त्यही हो ।
अणुको आकार नापयो
समुद्रको गहिराई पिन
तर आजसम्म नाप्न सकिएन
कति ठूलो छ मान्छेको मन ।