यूएईमा नेपालीहरुले मनाए दशैं

यूएई
नेपाली पोषाक दौरा सुरुवाल अनि ढाका टोपिमा सजिएका प्रगतिनगर नवलपरासीका राजु पाठक दशैंको टिकाको दिन अक्टोवर १७ २०१० को साँझ सात वजेदेखि राती एघारबजेसम्म पनि व्यस्त देखिन्थे । नेपालीहरुमात्र नभई विदेशीहरु सहित करिब २०० जनालाई टिका लगाईदिएको बताए पाठकले ।

नेपालीहरुको ठूलो वाहुल्यता रहेको अलकुजमा अवस्थित दुवईको ईनोक पेट्रोलियम कम्पनीको आवासगृहभित्र एक हलमा विजयादशमीको अवसरमा नेपालीहरुले आयोजना गरेको कार्यक्रममा नेपालीहरुमात्र नभई फिलिपिन्स भारतका नागरिकहरु पनि टिका र जमारा लगाएका देखिन्थे । उक्त अवासगृहमा नेपाली महिला तथा पुरुषहरु गरी २५० जनाको हाराहारीमा रहेका छन् भने कम्पनीमा कती नेपाली छन् रेकर्ड छैन । रमाईलो भयो आज दाजुभाइनै यहीं छौ तरपनि परिवारविनाको दशैं खल्लो हुने रहेछ । एक छोरा छोरीका बावु प्रगतिनगर
 भृकुटीमण्डी बोर्डिङ्गमा ७ बर्ष शिक्षक भई यूरोप छिर्ने रहरमा जागिर छोडी खाडीमा छिरेका पाठकले प्रवासीएको छैटौ बर्षमा
 एक बर्ष मात्र परिवारसँग दशैं मनाएछन् बाँकी पाँच बर्ष भने विदेशमा यसरीनै दशैं मनाउँदै आएको बताए ।

विगत ७ बर्षदेखि उक्त कम्पनीमा क्यासियरमा कार्यरत रामेछापकी मनकुमारी सुनुवार विदेशमा यसरीनै ६ बर्ष दशैं मनाएको वताईन् । भर्खरै नेपालबाट फिरेको हुनाले यस पटक पनि दशैंमा घरजान नपाएको गुनासो पोखिन् । खल्लो लाग्छ दशैंमा घरमा जान नपाउँदा उनले भनिन् तर सात बर्षको
 अन्तरालमा एक पटक भने परिवारसँगैं बसेर रमाईलो गरी दशैं मनाएको सम्झना भने दशैंको बेलामा आईरहने रैछ मनकुमारीलाई । रातो टिका निधारमा लगाएका गिता घर्तिमगर र माया साक्य खुशीमुद्रामा देखिन्थे । उनिहरु पनि विगत ६ बर्षदेखि उक्त पेट्रोलियम कम्पनीमा काम गर्दै आईरहेका रहेछन् । छ बर्षमा गिताले भने पहिलो पटक दर्शै विदेशमा मनाएको
 बताईन् ।
विगत ६ बर्षदेखि उक्त कम्पनीमा कार्यरत सफिर अलि निधारमा रातो टिका लगाएका थिए । मुस्लिम धर्मालम्बि उनि प्रवासमा जात धर्म भन्दा पनि पहिला नेपाली भएर चिनिनु पर्ने बताए । जात धर्म त आफ्नो ठाउँमा छदैछ तर हामी पहिला नेपाली हौं उनको भनाई थियो । दशैं तिहार वक्रईद ईद कि्रमश आदी चाडवाडहरु यसरीनै सबै जना एकैठाउँमा जम्मा भएर मनाउने गरेको बताए ।
झापाका अजय खड्का पाँच बर्ष विदेशमा परिवारसँग विछोडिएर दशैं मनाउदा नरमाईलो लाग्ने बताए । उनले गुनासो पोखे दुःखमा दाइ भन्छन् तर सुखमा कसैले पनि हेर्दैनन् प्रवासमा नेपालीहरुको बानी यस्तै छ ।
प्रवासमा आउँनुभन्दा पहिला कावासोतीमा किराना पसल गर्दै आएका लक्ष्मण सुवेदी पर्वतका विगत ४ बर्षदेखी विदेशमा छन् ३ बर्ष यतै मनाईयो भने १ बर्ष मात्र नेपालमा मनाईयो उनले भने । तनहुँका पिताम्वर ५ बर्ष देखि यहि मनाएको बताए ।

प्रवास आउनु भन्दा पहिला वागबजारमा भगवती आर्टस् व्यवसाय गरिबसेका दिपेश रायमाझी कस्टमर सर्भिस ग्राहक सेवा मा काम गर्दारहेछन् । विगतमा विभिन्न फिलिमका पोष्टरहरुको पनि आर्टस गरेका रायमाझी दशैंमा परिवारसँग नहुँदा खल्लो भएको बताए । हातले बनाएको आर्टस र अहिलेको टेक्नोलोजी आर्टसमा धेरै परिवर्तन भएको हुनाले ब्यवसाय छोडेर प्रवासीएको बताए । अब छिट्टै नेपाल फिरेर आफ्नै पेशामा लाग्ने उनले बताए ।
मोरङ्गका भरत गिरी ४ बर्ष देखि यहि पेट्रोल कम्पनीमा कार्यरत छन् । विदेशमा दशैं मनाउदा नेपालमानै भएको जस्तो हुने बताए ।
एकातिर टिका लगाउने कार्यक्रम जारी थियो भने अर्को तिर सांगेतिक कार्यक्रम चलिरहेको थियो । सुवास योगेश भाष्कर र फिलिपिन्सकी ज्याकीले विभिन्न गितहरु गाई मनोराजन दिलाएका थिए । विभिन्न किसिमका रोमान्चक खेलले कार्यक्रमलाई रोचक बनाएको थियो ।