समाचारका अनुसार उनी आजकल किताब लेख्नमा व्यस्त छन । पहिले अरेबियन भाषामा लेखिने सो किताबको छिट्टै अंग्रेजी अनुवाद पनि निकालीने भएकोले हाल उनी एकजना मध्य पूर्विय युवकको सहयोगमा सो किताब पुरा गर्न लागेको खबर आएको छ ।
किताबको प्रकाशन पुर्व नै सो किताबका बारेमा चर्चा परिचर्चा सुरु भैसकेकोले यो किताब 'बेस्ट सेलर' भएमा कुनै अनौठो नमाने हुने अनुमान गरीएको छ ।
जसले जे सुकै भने पनि उनले किताब लेख्न थालेको खबर आएपछि उनका समर्थक मात्रै हैन उनका कट्टर बिरोधिहरु पनि सो किताबको अप्रतक्ष प्रतिक्षामा बस्न थालेका छन । मुख्य त सो किताबले ९-११ को अकल्पनिय आक्रमण, विश्वमा चलेको तेलको राजनीति र सबै देशमा बढ्दो अमेरिकि प्रभावको बारेमा पनि लादेनको प्रतक्ष र सनसनिखेज खुलासा गर्न सक्ने सम्भावना रहेकोले सो किताब हातै हात बिक्न सक्ने पनि अनुमान हुन थालेको छ ।
पाकिस्तानका केहि पत्र-पत्रीकाका अनुशार अल-कायदाको बिरोधमा आएका 'भ्रामक समाचारको' खण्डन गर्नु र आफ्नो किताबबाट आफ्नो बिचारको समर्थन खोज्नु नै सो किताबको मुल ध्येय रहने छ ।
अल-कायदाको संजाल विश्वका करिव पचास देशमा रहेको अनुमान गरीएको छ र यो संजालले आफ्ना समर्थक अन्य स-साना गुटहरुलाई पैसा, भौतिक अनी प्रबन्धनको सहयोग जुटाँउदै आएको छ । यदि अल-कायदाका प्रमुख मानिने लादेनको यो किताब साँच्चै 'बेस्ट सेलर' बन्यो भने सो बाट उठेको रकम फेरी यिनै संगठनका ध्वंसात्मक गतिबिधिमै जाने पनि करिव करिव तय नै छ । तर जे भए पनि किताब नै नपढिकन त्यसको बिरोध गर्ने पक्षमा भने म पनि छैन ।
(स्रोत: ईण्टरनेट र विभीन्न पत्र-पत्रीका)
4 Comments:
बन्दुकको र बमको आवाज ननिस्केको त्यहि किताबको कारणले रैछ । धर्म ग्रन्थ नलेखेर बायोग्राफी वा त्यस्तै अनुभव भोगाइका कुरो लेखे भने त राम्रै हो ।
तोराबोरा पहाडी श्रृङ्खला र अफगान-पाकिस्तानका खण्डहरहरूमा लुक्दै छिप्दै, आफ्नो आतंकको जेहाद कायम राख्न सफल हुनेहरूको आलोचना गर्ने कि उनीहरूले गरेको विलासी जीवन त्यागको प्रशंसा गर्ने कि , अल कायदाजन्य हिंसाको कराल विषका कारण मारिने निर्दोषहरू को चर्चा गर्दै यिनीहरूको सर्वनाशको कामना गर्ने वास्तवमा बडो गाह्रो कुरा छ ।
तर पनि घृणा र हिंसाका राग र जलनमा तहस नहस हुँदो मानव जाती अनि इस्लाम र इस्लाम ईतर मात्र ठानेर बाँकि संसारलाई शत्रू बनाई खत्तम पार्ने विषग्रन्थी बोकेका अलकायदाहरूको विचार रहेसम्म संसार सबैका लागि बस्न खान योग्य स्थान बन्न सक्ने छैन । तर आक्रोसको अर्को पाटोमा के छ त्यो कुराको विचार पनि बाँकि संसारले गर्नै पर्छ । - एकलव्य
यो पनि राम्रै कुरा हो, लादेन को कुरा बुझ्न पाइने भइयो ।
रमाइलो हुन्छ होला लादेनको जीवनी पढ्न !!
Post a Comment
>>> कमेन्टको लागि धन्यवाद !